Google ADS

Në Shkup protestohet për ajër të pastër

18:18 | 20 Dhjetor 2019
L G

Në Shkup filloi ‘Marshi për ajër’ që u organizua nga nisma qyteetare që luftojnë kundër ndotjes së ajrit.

Pasditja e ftohtë në Shkup nuk ndaloi qytetarët të vinë para Ministrisë së Mjedisit Jetësor dhe Planifikimit Hapësinor për të marshuar drejt Kuvendit dhe për të përfunduar para Qeverisë së Maqedonisë së Veriut, njofton Telegrafi Maqedoni.

Qytetarët nga të gjitha mosahat janë të pranishëm në marshin protestues ndërsa Arianit Xhaferi nga ‘Eco Guerila’ tha se protestat do të vazhdojnë deri në përmbushjen e kërkesave të tyre për mjedis të pastër jetësor.

Dushko Gruevski nga nisma ‘Manastiri dëshiron ajër’ tha se nuk pret që Qeveria t’i përmbushë kërkesat e tyre për shkak se, siç thotë ai, më të rëndësishme janë interesat e oligarkëve se sa të qytetarëve.

Ndryshe, marshi protestues po ndodh para miratimit të Propozim-buxhetit të Bashkisë së Shkupit për vitin 2020 e që duhet të votohet të hënën e ardhshme.

Shpërndaje në rrjete sociale

Lajmet më të lexuara

Të ngjashme

Foto lajm