Google ADS

Në seancën e sotme u lëshuan bisedat e përgjuara telefonike mes Sasho Mijalkov dhe vëllait të tij Vlatko

17:34 | 28 Qershor 2018
A. B.

Në seancën e sotme për rastin “Trezor”, u dëgjuan katër biseda të përgjuara telefonike të propozuara nga PSP, të cilat i referohen firmës “Finsi” dhe blerjes së pajisjeve të destinuara për Ministrinë e Brendshme, përcjell Telegrafi Maqedoni.

Në bisedat telefonike të inçizuara që nga viti 2010 dhe 2011 në mes Gordana Jankulloska dhe Zoran Stavrevski, Sasho Mijalkov dhe Vlatko Mijalkov dhe të Vlatko Mijalkov dhe Sasha Glishiq.

Mbrojtja e të pandehurve iu drejtua Gjykatës për të mos i dëgjuar bisedimet derisa nuk ka një konfirmim nga PSP nga një procesverbal i hartuar nga dorëzimi i LSDM-së në PSP.

Gjykata e hodhi poshtë propozimin, pasi zyra e prokurorit nga PSP tha se një procesverbal i tillë u hartua dhe u paraqit për rastin “Target-Fortresa”.

Për shkak të mbarimit të orarit të punës gjyqtarja Xheneta Bektoviq e ndërpreu seancën e sotme dhe seancën tjetër e caktoi për me 10 shtator.

Shpërndaje në rrjete sociale

Lajmet më të lexuara

Të ngjashme

Foto lajm