Në Maqedoni të Veriut arrestohet një shtetas i Serbisë, për shkak të trafikimit me emigrantë

11:41 | 14 Dhjetor 2021
A. B.

Ministria për Punë të Brendshme në Maqedoni të Veriut ka njoftuar se dje (13 dhjetor) në autostradën Gjevgjeli – Shkup, zyrtarët policorë kanë arrestuar personin K.A (20) nga Serbia, pasi gjatë kontrollit në makinën “Fiat Dukato” me targa të Serbisë, janë gjetur 28 persona – migrantë, prej të cilëve 25 nga Kuba (20 të rritur, 5 fëmijë) dhe 3 nga India.

Siç thonë nga MPB, para kësaj, në ora 19:20, në autostradën në vendin e quajtur “Nova petlla” në afërsi të Gjevgjelisë, ai nuk është ndaluar në sinjalizimin e dhënë nga policia, pasi është arritur është ndaluar, e ka lëshuar veturën dhe është përpjekur të ikë.

Ai është kapur nga policia dhe është arrestuar.

“Migrantët janë dërguar në Qendrën e pranimit në Gjevgjeli, kurse K.A. është mbajtur në Stacion policor në Gjevgjeli”, qëndron në njoftim.

Policia dhe prokuroria tashmë janë në koordinim dhe pas dokumentimit të rastit kundër K.A. do të parashtrohet kallëzim përkatës.

Shpërndaje në rrjete sociale

Lajmet më të lexuara

Të ngjashme

Foto lajm