NATO-ja tha se nuk ka planifikuar ngjarje specifike me Serbinë në muajt e ardhshëm, porse mbetet e përkushtuar për një partneritet, “në interes të stabilitetit dhe sigurisë në rajon”.
Aleanca Veri-atlantike i bëri komentet për Shërbimin e Ballkanit të Radios Evropa e Lirë, pasi Qeveria e Serbisë vendosi të mërkurën që, në gjashtë muajt e ardhshëm, t’i ngrijë të gjitha stërvitjet dhe aktivitetet ushtarake.
“NATO e vlerëson partneritetin afatgjatë me Serbinë. Si të gjitha partneritetet e tjera, edhe partneriteti me Serbinë bazohet në kërkesat e vendit partner”, thuhet në reagimin dërguar Radios Evropa e Lirë.
Vendimi i Qeverisë së Serbisë erdhi një ditë pasi Ministria e Mbrojtjes e Bjellorusisë publikoi informacionin se pjesëtarët e Forcave të Armatosura të Ushtrisë së Serbisë do të marrin pjesë në stërvitjen e përbashkët me Rusinë dhe Bjellorusinë, të quajtur “Vëllazëria sllave”.
Kjo stërvitje do të mbahet në Bjellorusi në mes të shtatorit.
Duke folur për vendimin e qeverisë, ministri i Mbrojtjes i Serbisë, Aleksandar Vulin, tha se ai është marrë për të ruajtur pozicionin e neutralitetit ushtarak të Serbisë dhe “për të shmangur, ose së paku zvogëluar, pasojat e sulmeve të intensifikuara ndaj Serbisë”.
Serbia ndodhet nën presion “të tmerrshëm dhe të pamerituar” nga Bashkimi Evropian, tha Vulin.
Bjellorusia është duke u përballur me demonstrata masive nga qytetarët qëkur presidenti bjellorus, Alyaksandr Lukashenka, shpalli fitoren në zgjedhjet e gushtit.
Serbia e ka mbështetur Deklaratën e Bashkimit Evropian të 11 gushtit, për zgjedhjet presidenciale në Bjellorusi, e cila thotë se qytetarët e Bjellorusisë “kanë treguar një dëshirë për ndryshim demokratik” gjatë fushatës zgjedhore, por që “zgjedhjet nuk kanë qenë as të lira, as të drejta”.
Moti sot me diell dhe vranësira
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha