MSH-Maqedoni: Vaksinohuni që të arrijmë qëllimin e imunizimit

12:31 | 16 Korrik 2021
Arditë Shkodra

Vaksinat kundër coronavirusit zvogëlojnë incidencën e ndërlikimeve dhe vdekjen nga sëmundja, për të arritur qëllimin e vaksinimit është e nevojshme të vaksinohen sa më shumë qytetarë, thonë nga Ministria e Shëndetësisë së Maqedonisë.

“Në vendin tonë ka mjaft vaksina dhe procesi i imunizimit funksionon shumë – në një periudhë relativisht të shkurtër kohe, një numër i madh i qytetarëve vaksinohen me rrezik më të lartë të komplikimeve nga sëmundja: 58% e popullsisë mbi 70 vjeç kanë marrë të paktën një dozë vaksine, 55% e popullsisë mbi 65 vjeç kanë marrë të paktën një dozë vaksine, 50% e popullsisë mbi 60 vjeç kanë marrë të paktën një dozë vaksine, 40% e popullsisë mbi 50 vjeç kanë marrë në të paktën një dozë vaksine”, njoftojnë sot nga Ministria e Shëndetësisë.

Nga MSH u bëjnë thirrje qytetarëve që të vaksinohen. Vaksinimi është pa termin, ndërsa vaksinat janë në dispozicion për të gjithë.

Shpërndaje në rrjete sociale

Lajmet më të lexuara

Të ngjashme

Foto lajm