MPB me detaje për sekuestrimin e drogës në Tetovë

20:19 | 22 Gusht 2019
Arbresh Info

Policia e Tetovës sot arrestoi dy persona nga Dibra për shkak se kanë zbuluar 20 kilogramë marihuanë.

“Sot pasdite, rreth orës 17:00 në rrugën ‘Ilindenska’ në Tetovë, zyrtarët policorë kanë ndaluar automjetin ‘Mercedes’ me tabela të Shkupit ku kanë qenë dy persona. Automjetin e ka drejtuar 21 vjeçari, ndërsa si bashkudhëtar ka qenë një 27 vjeçar edhe ky nga Dibra. Gjatë kontrollit janë gjetur 20 kilogramë marihuanë”, tha Marjan Josifovski.

Ai tha se personat janë privuar nga liria dhe se do të mbahen në stacionin policor për procedurë të mëtutjeshme.

Automjeti është marrë për eskpertizë ndërsa aktivitet në terren ende vazhdojnë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm