Mitreski: Me muaj OBRM-PDUKM bllokon ligje

13:44 | 2 Mars 2022
V. S.

Koordinatori i LSDM-së, Jovan Mitreski akuzoi se me muaj OBRM-PDUKM bllokon punën në kuvend.

Ai tha se seancat kuvendare zgjasin më shumë, ndërsa miratimi i ligjeve në interes të qytetarëve presin me muaj, të bllokuara në komisione që i udhëheq opozita.

“Dje gjatë gjithë ditës qytetarët kanë mundur të shohin se si deputetët e opozitës maqedonase shtynin seancën. Nuk lejojnë që shumica parlamentare të jetë edhe në grupet e punës dhe komisione. Puna në Komisionin për Zgjedhje dhe Emërime me muaj është bllokuar”, tha Mitreski.

Sipas tij, OBRM-PDUKM bllokon edhe ligje të tjera siç janë Ligji për Bujqësi dhe Zhvillim Rural që siguron subvencionim të naftës për bujqit për 100% në vend të 50%., Ligji për mësimdhënës ku sigurohen paga më të larta për mësimdhënësit, Ligji për shërbim në armatë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm