Google ADS

Mickoski: Mini Shengeni s’duhet të jetë alternativë për Bashkimin Evropian

15:17 | 29 Korrik 2021
V. S.

Kreu i OBRM-PDUKM-së, Hristijan Mickoski në konferencë për shtyp duke u përgjigjur në pyetje të gazetarëve në lidhje me Mini Shengenin theksoi se përveç anëtarësimit të plotë në Bashkimin Evropian, alternativë tjetër për Maqedoninë nuk ka.

“Alternativë për Maqedoninë krahas anëtarësimit të plotë në Bashkimin Evropian nuk ka. Çdo nismë rajonale është e mirëseardhur, por s’duhet të jetë alternativë. Maqedonia menjëherë në këtë vit duhet t’i fillojë bisedimet me Bashkimin Evropian për shkak se e meriton për më shumë se 10 vite”, tha Mickoski.

Sipas tij, Maqedonia ka përmbushur kriteret por për fat të keq, me pengesa artificiale Maqedonia nuk ka nisur bisedimet.

“Ne menjëherë duhet t’i nisim bisedimet si shtet dhe Bashkimi Evropian duhet ta bëjë këtë sivjet në samitin që do të mbahet gjatë muajit dhjetor. Alternativë për Bashkimin Evropian nuk ka”, tha Mickoski./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm