“Zoran Zaevi më shumë dëshiron të takohet me kryeministrin e fqinjit tonë lindor, se sa takim liderësh për të arritur konsensus kombëtar për interesat shtetërore, e më pas të veprojmë me argumente në bisedat për çështjet kyçe me Bullgarinë”.
Këtë e ka shkruar në rrjetet sociale kryetari i OBRM-PDUKM-së Hristijan Mickoski, i cili kërkon që të mbahet takim liderësh pas bllokadës nga Bullgaria.
“Mund ta kuptoj pse Zoran Zaevi ikë nga takimi i liderëve. Ai është politikan me koncesione, ndërsa unë nuk kam koncesione. Zoran Zaevi ka premtime për rrethet e larta politike në Bullgari. Ai është person që do të tregtonte me gjithçka, ndërsa unë me asnjë çmim nuk do të veproja për asimilimin e pupullit maqedonas”, shkruan Mickoski në Facebook.
Sipas tij, kryeministri Zoran Zaev nuk dëshiron takim liderësh për shkak të qëndrimit të tij të “qartë dhe të prerë” që e ka dhënë para Qeverisë për mosndryshim të Kushtetutës.
“Zaevin nuk e dëgjuam këtë ta bëjë. Dhe përfundimisht, projekti LSDM dhe Zoran Zaev ka përfunduar”, shkruan Mickoski./Telegrafi/
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...