Pasaporta e Maqedonisë është renditur në vendin e 44-të sipas indeksit Henley Passport për vitin 2023, dhe me të mund të udhëtoni pa viza në 125 vende të botës.

Maqedonia e Veriut ka përparuar me një pozicion krahasuar me vitin e kaluar, kur ishte e pozicionuar në vendin e 45-të.

Nga vendet e rajonit, pasaporta greke renditet më e mira në vendin e tetë dhe mund të përdoret për të udhëtuar në 185 vende, pasaporta sllovene është në vendin e 11-të (182 vende), vijojnë pasaporta bullgare dhe kroate në vendin e 18-të (174), serbe në vendin e 38-të (136), malazeze 45 (124). Pasaporta e Bosnjës e Hercegovinës renditet e 49-ta (118 shtete), e Shqipërisë e 51-ta (115-të) dhe e Kosovës në vendin e 101-të (41).

Në krye të listës së Henley Passport janë pasaportat japoneze, singaporiane, koreano-jugore, spanjolle, gjermane, italian, si dhe pasaportat e vendeve skandinave. Në fund, nga ana tjetër, janë dokumentet e udhëtimit të Sirisë, Irakut dhe Afganistanit, me të cilat mund të udhëtohet pa viza vetëm në rreth njëzet vende të botës.