Kryeministri i Malit të Zi, Dritan Abazoviç ka zhvilluar një takim me presidentin e vendit, Milo Gjukanoviç, pasditen e së martës në selinë e Presidencës.
Sipas mediave malazeze, temë diskutimi ka qenë miratimi i Marrëveshjes Themelore me Kishën Ortodokse Serbe dhe pasojat politike që mund të sjellë kjo marrëveshje.
Takimi ka përfunduar dhe pritet një deklaratë e përbashkët për shtyp e Abazoviç dhe Gjukanoviç.
Mali i Zi është në një krizë të re politike pas marrëveshjes që rregullon marrëdhëniet e shtetit me Kishën Ortodokse Serbe.
Partia e Milo Gjukanoviç ka deklaruar se marrëveshja dëmton interesat kombëtare të vendit dhe për këtë arsye nuk do ta mbështesë më qeverinë Abazoviç.
Qeveria mund t’i nënshtrohet një mocioni mosbesimi në të ardhmen, pasi disa prej aleatëve të tij kanë deklaruar se nuk e mbështesin më.
Vetë Abazoviç ka thënë se të gjitha opsionet janë në tavolinë mes tyre edhe zgjedhjet, ndërsa qytetarët kanë nisur protestat kundër kësaj marrëveshjeje./euronews.al/
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot
Shpërthim me tritol në Shkodër
E pyesin se kur do të pensionohet nga boksi – Joshua impresi...
Von der Leyen premton 10 miliardë euro në ndihmë të rajoneve...