Google ADS

Maqedonia nis bisedimet e para-anëtarësimit në NATO

15:54 | 25 Korrik 2018
M. A.

Një delegacion i aleancës më të madhe ushtarake në botë NATO ka zhvilluar vizitë në Maqedoni, për të shënuar kështu nisjen e bisedimeve të para-anëtarësimit.

Përfaqësuesi i Aleancës Veri-Atlantike, Xhemjs Mekej, tha se anëtarësimi i plotë do të ndodh brenda 18 muajsh, ndërsa gjatë kësaj periudhe përveç bisedimeve duhet të përfundojë edhe ratifikimi i protokollit aderues nga 29 vendet anëtare të Aleancës, njofton alsatm.

Koordinatori nacional për rrugëtimin drejt anëtarësimit në NATO në Qeverinë e Maqedonisë, Stevo Pendarovski, pret që deri në fund të vitit të përfundojnë bisedimet para-aderuese.

Në Samitin e NATO-s në Bruksel, vendet anëtare njëzëri vendosën që Maqedonisë t’i jepet ftesa për anëtarësim në NATO.

Kështu Maqedonisë iu hap rruga që të bëhet anëtarja e 30 e Aleancës Veriatlantike. Megjithatë anëtarësimi i tërësishëm në NATO do të ndodh vetëm me emrin e ri Republika e Maqedonisë së Veriut.

Shpërndaje në rrjete sociale

Lajmet më të lexuara

Të ngjashme

Foto lajm