Google ADS

Maqedonia do asgjësojë 13 mijë doza të vaksinave anti-Covid të dhuruara nga Bullgaria

11:56 | 2 Tetor 2021
A. B.

Maqedonia Veriore do të asgjësojë hiq më pak se 13 mijë doza të vaksinave anti-Covid që kishte marrë donacion nga Bullgari.

Kështu ka konfirmuar Ministria e Shëndetësisë së Maqedonisë.

Vaksinat e pashfrytëzuara kundër Covid – 19 të cilat ishin donacion i Republikës së Bullgarisë, do të asgjësohen si mbetje medicinale pasi iu ka skaduar afati, konfirmuan nga Ministria e Shëndetësisë.

“13 mijë doza të vaksinave kundër Covid – 19, të cilat vendi ynë i ka marrë si donacion nga Republika e Bullgarisë, sot janë tërhequr nga përdorimi për shkak se u ka skaduar afati. Në pajtueshmëri me procedurat ligjore, vaksinat do të asgjësohen si mbetje medicinale”, theksuan nga MSH për MIA-n.

Bullgari i ka dhuruar vendit 51,480 doza të vaksinës Pfizer. ata arritën në vend në 16 shtator, ndërsa afati i përdorimit ishte deri më 30 shtator./Portalb.mk

Shpërndaje në rrjete sociale

Lajmet më të lexuara

Të ngjashme

Foto lajm