Google ADS

Maqedoni, MSH formon komision për shqyrtimin e vdekjes së lehonës 31 vjeçare

22:57 | 20 Janar 2018
Arbresh.info

Ministria e Shëndetësisë nëpërmjet një njoftimi për shtyp thotë se me vëmendje po ndjek rastin e vdekjes së lehonës Dëbora Xhambazi nga Kërçova, gjatë momentit të lindjes, dy ditë më parë.

“Në drejtim të informimit të tërësishëm dhe transparent të opinionit, është formuar komision nga persona profesionistë nga Ministria e Shëndetësisë dhe Insektorati i Shëndetësisë për të vërtetuar rrethanat e ngjarjes.”, thuhët në kumtesën e këtij institucioni.

31-vjeçarja ndërroi jetë gjatë ditës së enjte, në Spitalin privat Sante Plus, gjatë lindjes me prerje cezariane të fëmijës së parë të saj. Besohet se shkak për vdekjen kanë qenë komplikimet që i kanë shkaktuar vështirësi në frymëmarrje. Foshnja mashkull gjendet në Klinikën për sëmundje të fëmijëve dhe gjendja e tij është e rëndë./Telegrafi

Shpërndaje në rrjete sociale

Lajmet më të lexuara

Të ngjashme

Foto lajm