Maqedoni, 28 viktima dhe 929 të infektuar me Covid-19

22:00 | 10 Dhjetor 2020
Arditë Shkodra

Ministria e Shëndetësisë e Maqedonisë së Veriut në raportin për 24 orët e fundit sa i përket pandemisë në këtë vend, kanë bërë të ditur se numri i të shëruarve është më i lartë se sa i të infektuarve.

Sipas tyre 1,068 pacientë janë shëruar, ndërkohë që 929 të tjerë janë diagnostikuar pozitiv me CoVid-19, nga 2,758 testet e bëra.

Ministria ka theksuar se shqetësues mbetet numri i lartë i të vdekurve, ku në mesin e 28 pacientëve që ndërruan jetë sot, është edhe një i ri tjetër 22 vjeç nga Shkupi.

Renditur sipas qyteteve, në kryeqytet humbën jetën pesë pacientë, 6 në Prilep, 3 nga Manastiri, nga 2 në Strugë dhe Kratovë, dhe nga 1 në 10 qytetet tjera të vendit.

Shpërndaje në rrjete sociale

Lajmet më të lexuara

Të ngjashme

Foto lajm