Google ADS

Mali i Zi ratifikoi Protokollin për anëtarësimin e Maqedonisë së Veriut në NATO

21:27 | 1 Mars 2019
Arbresh.info

Kuvendi i Malit të Zi sot e ratifikoi Protokollin për anëtarësim të Republikës së Maqedonisë së Veriut në NATO. Votimi ishte unanim dhe 44 deputetë votuan “për”. Deputetët e opozitës nuk ishin në sallë. Në mbledhje mori pjesë kryetari i Kuvendit të Republikës së Maqedonisë së Veriut, Talat Xhaferi.

Vendet-anëtare të NATO-s më 6 shkurt e nënshkruan Protokollin për inkuadrim të Maqedonisë së Veriut në Aleancë. Pas ratifikimit të Protokollit në parlamentet e të gjitha 29 vendeve-anëtare të Aleancës, Maqedonia e Veriut edhe zyrtarisht do të bëhet anëtare e barabartë.

Protokollin sot e ratifikoi edhe Sabori kroat. Greqia ishte vendi i parë i cili në Parlamentin e vet e ratifikoi këtë dokument. Protokolli për anëtarësim në NATO deri më tani është ratifikuar edhe nga Sllovenia, Shqipëria dhe Bullgaria.

Shpërndaje në rrjete sociale

Lajmet më të lexuara

Të ngjashme

Foto lajm