Presidenti i Malit të Zi, Milo Gjukanoviç, refuzoi propozimin që Miodrag Lekiç të jetë i mandatuari për formimin e qeverisë e re, ndërsa hodhi propozimin për mbajtjen e zgjedhjeve të parakohshme në vend.
Të hënën, Fronti Demokratik pro-serb, Demokratët dhe URA e kryeministrit në largim Dritan Abazoviq ranë dakord që Miodrag Lekiç të jetë kandidati për kryeministër, por nuk dorëzuan nënshkrimet e 41 deputetëve.
Presidenti Gjukanoviç në një letër drejtuar kryetares së parlamentit, tha se nuk mund të pranojë propozimin që Miodrag Lekiç të jetë mandatar për formimin e qeverisë së re pasi sipas tij nuk janë plotësuar kushtet e nevojshme, shkruan A2CNN.
Gjukanoviç shprehet se nuk ishte i bindur se ekziston një shumicë e qartë për formimin e një qeverie, “që do t’u ofronte zgjidhje problemeve shumë të vështira në planin financiar, ekonomik, juridik, institucional dhe politik”.
Presidenti Gjukanoviç tha se zgjidhja e situatës politike është shkurtimi i mandatit të parlamentit, që do të hapte mundësinë e organizimit të zgjedhjeve të parakohshme parlamentare.
Mali i Zi është me qeveri teknike që nga muaji gusht kur parlamenti miratoi një mocion mosbesimi ndaj qeverisë së kryeministrit Dritan Abazoviq, pak pasi ai nënshkroi një marrëveshje të diskutueshme me Kishën Ortodokse Serbe.
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...