LSDM: Qeveria mbetet e përkushtuar në luftën për mbrojtjen e mjedisit jetësor

10:19 | 28 Dhjetor 2020
V. S.

Partia maqedonase në pushtet LSDM, thotë se Qeveria e udhëhequr nga ata mbetet e përkushtuar në luftën për mbrojtjen e mjedisit.

Nga kjo parti thonë se ndër prioritetet në kornizën strategjike “Aksioni 21” të Qeverisë së udhëhequr nga kjo parti është mbrojtja e mjedisit, burimeve natyrore, lufta e fortë dhe e pakompromistë për një mjedis të pastër dhe të shëndetshëm.

“I kemi rritur gjobat për shkeljet e mjedisit deri në 20 herë dhe po fusim kontrollin 24-orësh të Inspektoratit Shtetëror të Mjedisit dhe inspektorateve lokale, kompetencat e të cilave janë forcuar”, qëndron në kumtesë.

Më tej ata thonë se për vitin 2021, në programin për zvogëlimin e ndotjes së ajrit parashikohen 100 milionë denarë për objektet për komunat për zëvendësimin e sistemeve jo-ekologjike të ngrohjes, rritjen e efikasitetit të energjisë si dhe rinovimin e gjelbërimit urban./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm