“Hristijan Mickoski sot ritheksoi se është kundër rritjes së rrogave në të gjitha sektorët, duke përfshirë edhe atë privat. Janë mësuar vetëm të vjedhin, OBRM-PDUKM dhe Mickoski nuk mund të pajtohen me faktin se tani më paratë përfundojnë tek qytetarët, dhe jo në oborrin e bardhë të regjimit”, ishte reagimi i LSDM ndaj konferencës së kryetarit të OBRM-PDUKM-së, Hristijan Mickoski.

“Mickoski duhet të mësojë ende për ekonominë, dhe ta lexoj librin e mentorit të tij Gruevskit. Rrogat u rritën për mbi 2000 denarë në dy vitet e kaluara, dhe do të vazhdojnë të rriten, këto janë politikat ekonomike të LSDM të cilat japin rezultat real. LSDM sjell rezultate, kurse OBRM-PDUKM mbron kriminel, nuk ka ide e as program” thuhet në njoftimin e LSDM-së, njofton Telegrafi Maqedoni

Sipas tyre, OBRM-PDUKM kriminale i la qytetarët dhe bizneset në borxhe dhe skamje, kurse ekonominë në minus 1.8 përqind. Sot rritja e GDP-së shënon shifër rekorde prej 4.1 përqind.

“Për vetëm një vit, investimet e jashtme u rritën për 260 përqind, gjegjësisht nga 205 milonë, aq sa ishin në vitin 2017, u rritën në 737 milionë dollar në vitin 2018. Këto janë të paraqitura qartë në “Raportin për investime në botë 2019” në konferencën e KB” thuhet në lajmërimin e LSDM duke shtuar se përskaj investimeve rriten edhe rrogat, kurse klima pozitive ekonomike si rezultat sjell vende të reja të reja të punës dhe zbutjen e nivelit të papunësisë, në shifër rekorde – 17.8 përqind.

“Për dy vite realizuam 49.552 punësime, kryesisht në sektorin privat. Nëpërmjet masave të ndërmarra si rritja e ndihmesës sociale, kthimi i 15% nga TVSH, nafta e gjelbërt, anulimi i taksës radio-difusive, ulja e faturave për ngrohje qendrore, paratë gjithmonë e më shumë ju kthehen qytetarëve”, thuhet në kumtesë.

Në fund, nga LSDM cekin se ky është një koncept i pakapshëm për Mickoski dhe OBRM-PDUKM-në, të cilët janë të mësuar vetëm të marrin ndërsa LSDM vazhdon synimin për të realizuar masat të cilat sigurojnë rritje ekonomike dhe më shumë para për qytetarët.