Google ADS

Ligji për gjuhën shqipe do të dërgohet për publikim në gazetën zyrtare

15:24 | 13 Maj 2018
Arbresh.info

Kryetari i Kuvendit të Maqedonisë, Talat Xhaferi, ka thënë se Ligji për përdorimin e gjuhëve do të dërgohet për publikim në Gazetën Zyrtare, kur ai do të vlerësojë se është koha e duhur, por nuk ka precizuar kur kjo mund të ndodhë.

Në një intervistë për “Radio Evropa e Lirë”, ai ka thënë se duke marrë parasysh se nuk ka afate ligjore, ai ka thënë se kur do të jetë koha e duhur ligji do të publikohet në Gazetën Zyrtare.

Ai nuk dëshiron të komentojë zërat se partia shqiptare në pushtet, BDI-ja, është duke e kalkuluar me Ligjin e gjuhëve dhe është duke luajtur lojën ‘ftohtë-nxehtë’ dhe në rast të zgjedhjeve të reja parlamentare, sërish ta aktualizojë gjuhën shqipe.

“Nuk dua të komentoj atë që thoni ju. Mendoj se ky nuk është qëndrim dhe kalkulim i BDI-së, por e asnjë ndonjë partie tjetër, pasi ligji tashmë është sjellë për herë të dytë dhe nuk ka asnjë kalkulim që të bëhet ajo që thoni”, ka thënë Xhaferi.

Shpërndaje në rrjete sociale

Lajmet më të lexuara

Të ngjashme

Foto lajm