Google ADS

LD: Nëpërmjet Serbisë po bëhet skenar për destabilizim të Ballkanit

14:59 | 22 Gusht 2017
Arbresh.info

Lidhja Demokratike konsideron se tërheqja e personelit nga ambasada e Republikës së Serbisë është skenar për destabilizim të Ballkanit nga këndvështrime të ndryshme, ku ndërthuren interesa gjeostrategjike të disa qendrave të fuqishme, transmeton Zhurnal.

“Me këtë akt të pamenduar, të përshpejtuar dhe joautentik serb, qëllimi kryesor është të bllokohen proceset euroatlantike të Maqedonisë dhe të ndërpritet pranimi i Maqedonisë në NATO dhe fillimi i bisedimeve për hyrje në Unionin Europian. Më se e sigurtë është që Serbia me mbështetje nga jashtë është futur në këtë avanturë të pakuptimtë, e cila ka mbështetje edhe nga strukturat politike në Maqedoni.

Maqedonia duhet të përmbahet nga masat reciproke dhe të punojë për thellim të bashkëpunimit me Republikën e Serbisë dhe gjatë kësaj, të mos heqë dorë nga interesat nacionale, shtetërore dhe strategjike për anëtarësim në NATO dhe BE”, thuhet në komunikatën e partisë së Pavle Trajanov./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm