Kuvendi i Maqedonisë në gjashtë muajt e parë të vitit ka miratuar 178 ligje

11:42 | 4 Shtator 2018
Arbresh.info

Kuvendi i Maqedonisë ka hartuar numrin e nëntëmbëdhjetë të publikimit “Deputeti im”. Në të është përmbajtur raporti për punën e të zgjedhurve të popullit për periudhën prej 1 janarit deri më 30 qershor 2018.

Në këtë periudhë, gjithsej janë miratuar 178 ligje, 83 nga sfera e ekonomisë, 52 nga sistemi politik dhe 43 ligje nga sfera e veprimtarive publike. Pesë seanca u janë kushtuar pyetjeve të deputetëve, përcjell Telegrafi Maqedoni.

Kuvendi i Maqedonisë nga gushti i vitit 2006, në bashkëpunim me Asociacionin Civil “MOST” e boton rregullisht publikimin “Deputeti im”, që tani tani plotësisht është prodhim i Dhomës Ligjvënëse dhe i shërbimit të Kuvendit.

Nga Kuvendi thonë se ky publikim paraqet edhe një instrument përmes të cilit Dhoma Ligjvënëse u afrohet qytetarëve. Njëri nga angazhimet kryesore të Kuvendit është puna transparente dhe llogaridhënëse, si një prej themeleve kryesore në të cilat ndërtohet shoqëria demokratike.

Shpërndaje në rrjete sociale

Lajmet më të lexuara

Të ngjashme

Foto lajm