Komisioni Shtetëror për Parandalimin e Korrupsionit do të ngritë iniciativë kundër një partie politike, për shkak të dyshimeve për financim joligjor gjatë kohës së fushatës në zgjedhjet e parakohshme kuvendare.
Ky vendim u miratua në seancën e sotme të 45, të Komisionit Shtetëror për Parandalimin e Korrupsionit (KSHPK).
“Duke vepruar brenda kompetencave tona, në tetor ne i paraqitëm Zyrës së Auditimit të Shtetit dhe Zyrës së Inteligjencës Financiare një kërkesë për veprim kompetent. Kishte dyshime se disa nga partitë politike ishin financuar në kundërshtim me Kodin Zgjedhor, dmth nga burime të paligjshme të financimit. Kohët e fundit kemi marrë një përgjigje nga Zyra që konfirmon pretendimet tona për financim të paligjshëm të një partie politike”, thonë nga KSHPK.
Gjithashtu, KSHPK sot ose nesër do të përgatisë kërkesë tek qeveria për të njoftuar në lidhje me lëndët e hapura për ndërtimet pa leje në Ohër dhe Strugë./Telegrafi/
Ngjarjet e paralajmëruara për sot
Shpërthim me tritol në Shkodër
E pyesin se kur do të pensionohet nga boksi – Joshua impresi...
Von der Leyen premton 10 miliardë euro në ndihmë të rajoneve...
Moti në Shqipëri me vranësira dhe reshje shiu
Mbahet Konferenca e dytë për investitorë “Prishtina 20...