Krerët e koalicionit qeverisës në Mal të Zi deklarojnë se janë kundër zgjedhjeve të reja

20:25 | 22 Qershor 2021
Arbresh.info

Zhvillimet e fundit politike në Mal të Zi, kanë bërë që krerët e koalicionit qeverisës të dalin me një deklaratë të përbashkët, raporton RTCG.

Kohët e fundit, në vendin fqinj temë diskutimi ka qenë rrëzimi i Qeverisë dhe shkuarja në zgjedhje të reja.

“Ne jemi kundër përmbysjes së Qeverisë dhe mbajtjes së zgjedhjeve të reja parlamentare sepse Mali i Zi ka nevojë për stabilitet, me zbatimin e menjëhershëm të reformave rrënjësore”, thanë sot Kryeministri Zdravko Krivokapiq, Kryetari i Parlamentit Aleksa Beçiq dhe Zëvendës Kryeministri Dritan Abazoviq, në lidhje me situatën aktuale politike, përcjell arbresh.info.

Në një deklaratë të përbashkët, ata deklaruan se çdo zgjidhje për kapërcimin e krizës aktuale politike duhet të marrë parasysh ndryshimet midis përbërësve të qeverisë për çështje të caktuara që janë sjellë në muajt e fundit nga një pjesë e shumicës parlamentare dhe ish-qeverisë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm