Komuna e Tetovës ka vendosur që këtë vit të mos lëshojë leje për përdorimin e hapësirave publike në shesh për shitjen e kartolinave të Vitit të Ri, dekorimeve dhe sendeve të ngjashme. Në njoftimin e sotëm për publikun, nga atje shpjegojnë se vendimi bazohet në rregulloret për parandalimin e përhapjes së koronavirusit.
“Sipas urdhëresave të marra nga ana e Qeverisë së Republikës së Maqedonisë së Veriut dhe sipas rregulloreve të autoriteteve shëndetësore për shkak të pandemisë me Kovid-19, Komuna e Tetovës ju njofton se ka marrë Vendim që këtë vit të mos lëshojë aprovim për përdorimin e hapësirave publike (tezga) për qendrat e qytetit gjatë festave të Vitit të Ri. Dënimet do të jepen sipas ligjeve në fuqi. Kushdo që do të përpiqet të shkelë këtë vendim, i cili do të jetë i vlefshëm derisa Qeveria e Republikës së Maqedonisë së Veriut të marrë një vendim të ri”, thuhet në komunikatën e Komunës së Tetovës.
Komuna e Tetovës tashmë ka marrë një vendim që nuk do të ketë fonde për dekorimin e qytetit për Vitin e Ri të dhe se nuk do të ketë pritje të Vitit të Ri.
Kurti pret në takim presidenten e Komisionit Evropian, Ursul...
Von der Leyen sot në Kosovë, vizitën e nis me një takim me O...
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...