Komiteti qendror i LSDM-së i dha Zaevit dritë jeshile për të marr vendin për çështjen e emrit

09:01 | 31 Maj 2018
Arbresh.info

Komiteti qendror i LSDM-së mbrëmë mbajti seancën e gjashtë të sajë, ku u fol për situatën e tanishme politike, për çështjen e emrit, zbatimin e reformave dhe masave të programit, që sipas tyre siguron jetë më të mirë për qytetarët.

Me këtë rast, anëtarët e komitetit qendror i dhanë mbështetje të plotë kryetarit të LSDM-së, Zoran Zaev, njiherit kryeministër i vendit.

Ata theksojnë rëndësinë e vazhdimit të bisedimeve me Greqinë, për të arritur një zgjidhje që është duke e bllokuar Maqedoninë, tash e 25 vite me radhë.

Komiteti i jep të drejtë të plotë Zaevit që të merr vendime në lidhje me emrin e vendit.

Gjithashtu, u mbështetën propozimet për ministra dhe zv.ministra në pozita të reja, si: Renata Deskoska, për ministre të Drejtësisë, Petar Atanasov, për zv. ministër të Arsimit dhe Andrej Zhernovski për zv. ministër të Punëve të Jashtme./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm