Komisioni miratoi amandamentin për ndryshimin e emrit Republika e Maqedonisë

13:44 | 8 Nëntor 2018
A. B.

Me 10 vota “për” dhe 5 “kundër” Komisioni për Çështje Kushtetuese miratoi tekstin e amendamentit 33.

Pas kësaj, kryetari i Komisionit Talat Xhaferi, hapi debatin për amendamentin tjetër, gjegjësisht atë të 34, i cili ka të bëjë me ASNOM-in dhe përfshirjen e Marrëveshjes së Ohrit në Kushtetutë, përcjell Telegrafi Maqedoni.

Amendamenti i 33 i miratuar nga Komisioni ka të bëjë me ndryshimin e fjalës “Republika e Maqedonisë”, gjegjësisht zëvendësimin e saj me termin “Republika e Maqedonisë Veriore”, në çdo vend në Kushtetutë, përveç në nenin 36 ku ka aspekt historik.

Gjatë debatit të ditës së djeshme anëtarët e OBRM-PDUKM-së në Komision dolën kundër, duke thënë se me ndryshimin e emrit ndryshohet edhe identiteti dhe historia maqedonase.

Shpërndaje në rrjete sociale

Lajmet më të lexuara

Të ngjashme

Foto lajm