Google ADS

Këshilli Gjyqësor në Maqedoni sot zgjedh kryetar të ri

10:58 | 25 Prill 2019
V. S.

Këshilli Gjyqësor sot do të zgjedh kryetar të ri, i cili do të vijë në vend të Zoran Karaxhoskit, mandati i të cilit skadon nesër.

TV Telma njofton se kandidati i vetëm për të trashëguar Karaxhoskin është Kiro Zdravev, i cili është anëtar i ri i Këshillit Gjyqësor që nga dhjetori i 2018, përcjell Telegrafi Maqedoni.

Zdravev është propozuar nga kolegu i tij gjithashtu anëtar Sashko Gjorgiev, ndërsa propozime tjera nuk ka pasur.

Zgjedhja e kryetarit të ri të Këshillit do të bëhet me votim të fshehtë, ndërsa për zgjedhje duhen 8 vota. Në seancë i pranishëm është edhe kryetari i Gjykatës së Lartë Jovo Vangellovski, i cili kohëve të fundit nuk ka marrë pjesë në seanca, ndërsa është anëtar.

Ndryshe, sipas Ligjit të ri për Këshillin Gjyqësor i cili në lexim të tretë u miratua dje nga deputetët, mandati i kryetarit të Këshillit është 2 vjet./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm