Katica Janeva sot dëshmon për rastin “Haraçi”

08:41 | 20 Gusht 2019
Arbresh.info

Prokurorja speciale Katica Janeva sot në orën 10:00 do të dëshmojë për rastin “Haraçi”.

Në audio-incizimet që i publikoi gazeta italiane “La Verita”, dëgjohet zëri i saj, e cila i thotë biznesmenit Orce Kamçev të mos shqetësohet se gjithçka do të shkojë mirë, në lidhje me paraburgimin e tij, përcjell Telegrafi Maqedoni.

Ajo më pas deklaroi se emri i saj është keqpërdorur, si dhe theksoi se ka folur me të dyshuarit në rastin “Haraçi”, por në mënyrë që të jenë bashkëpunëtorë të saj.

Në rastin “Haraçi” të dyshuar janë Bojan Jovanovski dhe Zoran Milevski, të cilët ndodhen në paraburgim. Ata dyshohet se i kanë marrë para afaristit Orce Kamçev, në mënyrë që me ndihmën e prokurores Katica Janeva ta lirojnë nga paraburgimi dhe nga aktakuzat e PSP-së.

Shpërndaje në rrjete sociale

Lajmet më të lexuara

Të ngjashme

Foto lajm