Para ndërtesës së Radio Televizionit të Serbisë (RTS) në Beograd, ka përfunduar protesta e 26-të e quajtur “Serbia kundër dhunës”.

Rreth orës 17:55 është mbyllur qarkullimi para ndërtesës së Kuvendit të Serbisë në drejtim të sheshit Nikolla Pashiq.

Folësi i parë në protestën e sonte ishte Nebojsha Zelenoviq nga Moramo-Zajedno, shkruan Danas, transmeton Gazeta Express.

“Ne e bezdisim shumë qeverinë, ata me të vërtetë do të donin të mos na shihnin këtu, por ne nuk do të dorëzohemi derisa të shohim kurrizin e tyre”, tha Zelenoviq.

Pas Zelenoviqit fjalën e mori deputetja e Lëvizjes Popullore të Serbisë, Sllavica Radovanoviq, e cila ka kritikuar presidentin e Serbisë, Aleksandar Vuçiq.

“Ai thjesht thotë atë që ka në kokën e tij. Çfarë do të të mashtrojë, sepse do të qëndrojë në pushtet. As ai dhe as ata që e rrethojnë nuk janë të interesuar nëse jeni mirë. Ata janë të interesuar vetëm të qëndrojnë në pushtet sa më gjatë”.

Qytetarët e mbledhur më pas kanë shëtitur deri në objektin e Radio Televizionit të Serbisë (RTS), ku kanë shprehur pakënaqësinë e tyre për punën e kësaj kompanie mediatike.

Aty turmës iu drejtua deputeti Srđan Milivojeviq nga Partia Demokratike.

“Nesër bëhen gjashtë vjet nga një nga turpet më të mëdha të gazetarisë sonë, që nga transmetimi i videos kundër Oliver Ivanoviqit, për shkak të së cilës u vra Oliver Ivanovi….Ndaj ju pyes ju gazetarë të RTS-së, si mund të heshtni për të shtënat në profesionin tuaj, për djegien e shtëpisë tuaj? Çfarë duhet të ndodhë për t’u zgjuar? Ne ju paguajmë që të publikoni të vërtetën, jo gënjeshtrat e Aleksandër Vuçiqit”, tha ai.