Nga Shkodra, ambasadori i Italisë në Shqipëri, Fabrizio Bucci, ka folur me nota pozitive sa i takon integrimit të Shqipërisë në familjen e madhe europaine.
“Bota ka ndryshuar nga lufta. Është e rëndësishme që Europa ta kuptojë që kemi një realitet të ri, që ne nuk e donim, por po e jetojmë. Unë shpresoj se deri në fund të këtij viti të ketë një çelje të negociatave. Sepse kjo luftë që po vijon prej disa muajsh dhe ka sjellë mijëra viktima na ka dhënë një leksion shumë të mirë”, u shpreh ambasadori.
Sa takon hapave që duhet të ndjekë Shqipëria, Bucci u shpreh se shteti shqiptar ka bërë progres në rekomandimet e kërkuara, dhe ka ardhur koha që Shqipëria të çelë negociatat me BE-në.
“Të hapet rruga për dialog politik. Janë reformat në drejtësi, reforma kundër krimit të organizuar dhe një sërë reformash të tjera si ajo në drejtësi dhe administratën publike”, u shpreh ambasadori.
Bucci ishte prezent në Shkodër gjatë aktiviteteve që janë mbajtur në kuadër të “Javës Italiane”. Italia është një nga vendet që ka mbështetur Shqipërinë në procesin e integrimit në Bashkimin Europian dhe pret çeljen e negociatave gjatë këtij viti./tvklan.al/
As legjislatura e 8-të s`do të votojë amendamentet e Projekt...
Iran, 12 të arrestuar për bashkëpunim me Izraelin
Pacolli takon në rrugët e Nju Jorkut një polic nga Deçani dh...
Bashkimi e nis edicionin me fitore, Vëllaznimi njoftohet me ...
Ministri Hasani takohet me homologun Borg: Vlerësim Maltës p...
Musk tërhiqet nga beteja me drejtësinë në Brazil, emëron për...