Ministri i Jashtëm i Greqisë deklaroi se vendi i tij është pro hapjes së negociatave të anëtarësimit të Shqipërisë dhe Maqedonisë së Veriut në BE.
Në atë që shihet si një ndryshim pozitiv kursi nga ana e Athinës në raport me vendin tonë dhe përpjekjet e tij për tu bërë pjesë e bllokut evropian, Miltiadis Varvitsiotis e bëri të qartë se fqinji ynë jugor nuk mund ta pranojë që Shqipëria dhe Maqedonia e Veriut të ndahen në procesin e negociatave.
“Për shkak të pranisë së një elementi shqiptar në rajon, ndarja dhe çelja e bisedimeve të anëtarësimit vetëm me një vend kandidat mund t`i hapë rrugën destabilizimit në kufirin tonë verior”, tha Varvitsiotis.
Duke folur përpara Komisionit Parlamentar për mbrojtjen kombëtare dhe çështjet e jashtme, ai pohoi se Greqia është në favor të një drite jeshile të BE-së për fillimin e negociatave me të dy vendet.
Athina, nënvizoi ai, e ka mbështetur gjithmonë politikën evropiane të zgjerimit me qëllim përfshirjen e vendeve të Ballkanit Perëndimor.
Ne besojmë se ky është një mjet i fortë për të arritur paqen, stabilitetin dhe prosperitetin në rajon e më gjerë, shtoi ministri, duke theksuar se mbështetja greke për perspektivën evropiane të shteteve të Ballkanit Perëndimor është e lidhur në mënyrë të pandashme me plotësimin e kushteve dhe performancën e vendeve kandidate.
Qëndrimi i Varvitsiotis dëshmon se ka një ndryshim të fortë në linjën e Athinës zyrtare lidhur me çeljen e negociatave për Shqipërinë, duke qenë vetëm një muaj më parë, shefi i ekzekutivit grek Kyriakos Mitsotakis deklaroi se Greqia nuk do ta mbështeste hapjen e tyre, nëse qeveria shqiptare nuk respekton të drejtat e minoritetit grek. /TCH/
Hapja e grupkapitujve të parë me BE, Rama: Nevojiten reforma...
Hasani takon Ardita Sinanin, rikonfirkon mbështetjen e qever...
Ten Hag konfirmon interesimin e klubit për transferimin e lo...
Gjenerallejtënant Bashkim Jashari qëndroi në vizitë zyrtare ...
Ferronikeli kërkon fitoren e parë, Drita vazhdimin e ecurisë...
Rumania thotë se edhe një dron tjetër shkeli hapësirën e saj...