Filipçe thotë se e kanë paraparë valën e vjeshtës dhe rritjen e numrit të të infektuarve

23:44 | 27 Tetor 2020
Arditë Shkodra

Ministri i Shëndetësisë, Venko Filipçe në televizionin Telma sonte tha se kanë paraparë rritjen e numrit të të infektuarve.

“Rritjen e numrit të të infektuarve e parapamë gjatë muajve të verës. Nuk e parapamë vetëm ne, por e gjithë Evropa. Shqipëria, Serbia, Kroacia, gjithkund ka rritje enorme”, tha Filipçe, përcjell Telegrafi Maqedoni.

Ministri Filipçe potencoi se Maqedonia nuk ka pasur heqje të plotë të masave dhe se ka pasur vazhdimisht masa kundër përhapjes së coronavirusit.

“Ishim të vetëdijshëm se na vjen vala e vjeshtës. Kishim rënie gjatë muajit gusht dhe shtator. Pse e prisnim valën? Njerëzit u kthyen nga pushimet, dhe filloi shkelja e masave për tubime publike, koncerte etj”, tha Filipçe.

Shpërndaje në rrjete sociale

Lajmet më të lexuara

Të ngjashme

Foto lajm