Kryetari i Kuvendit të Maqedonisë, Talat Xhaferi, i cili po qëndron për vizitë zyrtare në Turqi, ka realizuar takim me presidentin turk Recep Tayyip Erdoğan, me të cilin kanë diskutuar rreth bashkëpunimit të dy vendeve dhe gjendjes së rajonit.
Erdogan në takim me Xhaferin ka thënë se Turqia ka qenë ndër shtetet e para që ka pranuar emrin kushtetues të Maqedonisë dhe se do të vazhdojnë që ta mbështesin shtetin në rrugën euroatlantike, njofton Telegrafi Maqedoni.
Presidenti turk ka theksuar nevojën e intensifikimit të bashkëpunimit ekonomik, si dhe reafirmimit të këmbimit tregtar mes Turqisë dhe Maqedonisë.
Ndërsa kryetari i Kuvendit, Talat Xhaferi, i cili është i shoqëruar nga deputetët Vesel Memedi, Enes Ibrahim dhe Jusuf Hasani, ka shprehur falënderime për takimin dhe është ndarë i kënaqur nga intenziteti i takimeve të nivelit të lartë shtetëror.
Në fund të takimit bashkëbiseduesit kanë konstatuar rëndësinë e bashkëpunimit ndërparlamentar dhe diplomatik, në të mirë të marrëdhënieve dypalëshe mes dy vendeve.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite