Google ADS

Edhe nëntë vende nuk e kanë ratifikuar protokollin për anëtarësim të Maqedonisë së Veriut në NATO

13:13 | 28 Qershor 2019
Arbresh.info

Kryetari i Kuvendit, Talat Xhaferi në takimin e sotëm me gazetarët tha se edhe nëntë vende të tjera nuk e kanë ratifikuar protokollin e anëtarësimit për në NATO dhe se sipas informacionit në dispozicion në të gjitha vendet, procedurat e ratifikimit janë në vazhdim.

Ai pret që të gjitha dispozitat e ratifikimit të përfundojnë në vjeshtë, përcjell Telegrafi Maqedoni.

Luksemburgu, Islanda, Mbretëria e Bashkuar, Spanja, Shtetet e Bashkuara, Italia, Holanda, Franca dhe Turqia janë vendet të cilat nuk e kanë ratifikuar ende protokollin për anëtarësimin e Maqedonisë së Veriut në NATO.

Në Kuvendin e Britanisë së Madhe, tha ai, nuk ka votim klasik, protokolli qëndron 21 ditë si objekt dhe nëse askush nuk paraqet vërejtje, pas skadimit të këtij afati konsiderohet i ratifikuar.

Xhaferi pret që Turqia të përfundojë procesin e ratifikimit deri në vjeshtë. Sipas informacionit në dispozicion, procedura e parlamentare ka filluar edhe në këtë vend./

Shpërndaje në rrjete sociale

Lajmet më të lexuara

Të ngjashme

Foto lajm