E dërgoi foshnjën gjashtë javëshe pa shenja jete në spitalin e Tetovës, nëna nga Kosova merr fëmijën dhe refuzon të kryhet autopsia

15:24 | 21 Nëntor 2023
E.K

Një punonjëse e Rrepartit të Pediatrisë në Spitalin Klinik të Tetovës, dje (20-nëntor) në orën 09:45 në SPB-Tetovë ka raportuar se më datë 9 të këtij muaji rreth orës 07.00 një grua nga Republika e Kosovës kishte sjellë një fëmijë gjashtë javëshe pa shenja jete, ndërsa mjekët nga ky rrepart ishin përpjekur që ta reanimonin, por nuk arritën ta shpëtonin dhe përfundimishtë kishin konstatuar vdekjen e tij. Siç njoftojnë nga policia, personi femër nga Kosova kishte marrë fëmijën dhe dokumentacionin mjekësor dhe ishte larguar duke refuzuar që ndaj trupit të fëmijës të kryhet autopsi.

Në koordinim me prokurorin publik, merren masa për zbardhjen e plotë dhe dokumentimin e çështjes” – tha Fatmir Rexhepi nga SPB-Tetovë. /KlanMacedonia/

Shpërndaje në rrjete sociale

Lajmet më të lexuara

Të ngjashme

Foto lajm