Dodiku niset për në Prokurori, nga vetura ua tregon gazetarëve gishtin e mesëm

13:38 | 22 Mars 2022
A. B.

Lideri i serbëve të Bosnjë e Hercegovinës edhe një herë ka demonstruar vulgaritetin dhe sjelljen e papranueshme

Me rastin e arritjes së sotme në Prokurori të BeH, Millorad Dodik ka treguar gishtin e mesëm ekipeve të gazetarëve nga dritarja e veturës zyrtare, raporton mediumi boshnjak Klix.

Nuk dihet se kujt i është drejtuar me atë gjest, duke marrë parasysh se të pranishëm ishte një numër i madh i ekipeve të gazetarëve.

Dodik sot do të deklarohet në Prokurori të BeH në lidhje me blerjen e një vile në Dedinje, lagjen e Beogradit.

Më herët ai ka deklaruar se kjo lëndë është nisur “për arsye politike” në mënyrë që të “largohet vëmendja nga ngjarjet në federatën e BeH, ku nuk është arritur të merret vesh për Ligjin e Zgjedhjeve”.

Shpërndaje në rrjete sociale

Lajmet më të lexuara

Të ngjashme

Foto lajm