Disa vende të Maqedonisë sonte në terr për nder të planetit Tokë

09:48 | 27 Mars 2021
Arbresh.info

Shteti ynë do të përfshihet për herë të 12-të në kremtimin e aksionit më të madh për mjedisin në botë “Ora e planetit Tokë”.

Këtë vit, “Ora e planetit Tokë” do të zhvillohet në më shumë se 8.000 qytete në mbi 180 shtete të botës, ku nga ora 20:30 do të fikin dritat në shenjë solidarizimi.

Dritat do të fiken në disa vende në Shkup dhe Ohër, përfshirë Vilën Presidenciale “Vodno”, godinën e Qeverisë, Sheshin “Maqedonia” në Shkup, të gjitha ndërtesat dhe urat përgjatë lumit Vardar, Kalaja e Shkupit, “Porta Maqedoni”, parqe në komunat e Shkupit, Aerodromit dhe Karposhit. Ndërkaq në Ohër do të fiken dritat e Kalasë Samoil, kishës Shën Sofia, Plaoshnik dhe Kaneo, transmeton alsat.

Ora e planetit Tokë filloi si një ngjarje simbolike në Sidnei gjatë vitit 2007 ndërsa tani po shënohet në më shumë se 180 vende dhe territore si një moment global i solidaritetit për planetin tonë.

 

Shpërndaje në rrjete sociale

Lajmet më të lexuara

Të ngjashme

Foto lajm