Numri i personave të infektuar me COVID-19 në Dibër është në rritje, numri i të cilëve, me gjashtë rastet e fundit të diagnostikuara, është rritur në 102 persona, përcjell Telegrafi Maqedoni.
Nga numri i përgjithshëm, 48 janë shëruar, katër kanë vdekur, ndërsa 50 janë aktivë nga sëmundja, shtatë prej të cilëve janë në trajtim spitalor në spitalin “8 Shtatori” në Shkup.
Kryetari i Komunës Dibër, Hekuran Duka, paralajmëroi gjithashtu për rritjen e numrit të pacientëve me COVID-19, duke përmendur informacione nga shërbimi epidemiologjik.
“E gjitha kjo vjen për shkak të mosrespektimit të masave dhe protokolleve nga qytetarët dhe subjektet afariste. Ju bëj thirrje të gjithëve që të jemi të ndërgjegjshëm dhe të sillemi me përgjegjësi si në fazën e parë të pandemisë, për hir të vetvetes, të dashurve tanë dhe shtetit”, tha Duka.
Sipas statistikave të Departamentit të Punëve të Brendshme në Dibër, e cila me veprimtarinë e saj mbulon edhe komunën Qendrën Zhupa, në 24 orët e kaluara, në këtë zonë policët zbuluan 7 shkelje për mos mbajtjen e maskës mbrojtëse.
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...