Policia i ka gjetur të miturat shëndosh e mirë dhe tani ato janë kthyer tek prindërit e tyre. Në ndërkohë, policia heton edhe zhdukjen e dy vajzave të tjera nga Tetova vikendin e kaluar, transmeton Express.
“Pas masave të ndërmarra, tre vajzat e mitura nga Shkupi policia i ka gjetur në lagjen Autokomandë në Shkup në të cilën kanë qenë për vizitë tek një shoqe e tyre e përbashkët, ndërsa për zhdukjen dy vajzave të tjera nga Tetova policia ende punon për gjetjen e tyre”, deklaroi zëdhënësi i MPB-së, Toni Angelovski.
Javën e kaluar janë zhdukur gjithsej pesë vajza në Shkup dhe Tetovë, prej të cilave katër të mitura dhe një e rritur. Nga MPB informojnë se gjatë muajit të kaluar ka pasur raste ku një vajzë e mitur që ka qenë nën përkujdesjen e shtëpisë së përkujdesjes të fëmijëve në Shkup “Ranka Milanoviq” disa herë është larguar dhe me ndihmën e policisë sërish është kthyer në këtë institucion.
Në ndërkohë policia akoma heton edhe zhdukjen e dy motrave nga Tetova që kanë braktisur shtëpinë para dy muajve./Express/
Ziv: 7 tetori, një nga ditët më të rënda për Izraelin, që ng...
Drejtoresha britanike për Evropë e mirëpret vendimin e Qever...
A është kolagjeni vërtetë burimi i rinisë së përherëshme
“Qeveria më e ndershme që e ka pasur Republika e Kosovës” – ...
Ylli i Napolit që legjendat e Barcelonës, Xavi dhe Fabregas ...
Gjykata e Lartë refuzon të shqyrtojë ankesën e Martin Shkrel...