Transformimi i ekonomisë për rritje më të shpejtë dhe standard më të lartë, investime në shëndetin publik, ulje të shkallës së varfërisë nën 16 përqind me theks të veçantë varfërinë e fëmijëve, futjen e policisë komunale nën kompetencat e pushtetit lokal i cili do të ketë kompetenca ligjore për të siguruar rendin në komuna dhe qyteti i Shkupit, janë pjesë e përparësive të Qeverisë në programin për vitin 2020/2024 të cilin dje mandatari për kryeministër Zoran Zaev e paraqiti në Kuvend.
Në draft programin e Qeverisë së re, zgjedhja e së cilës Kuvendi e ka caktuar për ditën e shtunë më 29 gusht, parashikon uljen e privilegjeve të zyrtarëve publikë me qëllim parandalimin e abuzimit të detyrës për qëllime personale, uljen e shpenzimeve buxhetore dhe rritjen e efikasitetit në kryerjen e funksionit.
Zaev paraqiti në Kuvend draftin e përbërjes së kabinetit të ri qeveritar i cili do të ketë 19 ministra, në vend të 26 aktualëve, që pason tërheqjen e deputetëve që do të jenë ministrat e ardhshëm dhe verifikimin e mandateve të deputetëve të rinj që erdhën në vendet e tyre në legjislaturë.
Sipas Zaev, në zgjedhjet e 15 korrikut, qytetarët në zgjedhje të ndershme, të lira dhe demokratike konfirmuan drejtimin dhe deklaruan pozicionin e tyre i cili është përkthyer në program për mandatin katër vjeçar./Telegrafi/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...