Google ADS

Daçiq: Vendimi i Maqedonisë së Veriut për Tomor Morinën është politik

14:07 | 15 Gusht 2019
A. B.

Shefi i diplomacisë së Serbisë Ivica Daçiq, vendimin e Maqedonisë së Veriut për mosekstradimin e ish-ushtarit të UÇK-së Tomor Morina në Serbi, e vlerëson si politik.

Ai thotë se nëse për dikë ka flet-arrest nga INTERPOL-i, nuk duhet të mendohet nëse do të ekstradohet ose jo, përcjell Telegrafi Maqedoni.

“Nëse dikush ka fletë-arrest nga Interpoli, atëherë pse duhet të mendohet nëse do të ekstradohet apo jo. Kjo ashiqare bëhet për arsye politike”, theksoi Daçiq.

Ai tha se edhe Franca në këtë mënyrë e ka lëshuar Ramush Haradinajn dhe sipas tij, është problem që edhe Haradinaj, por edhe ushtarë tjerë të UÇK-së nuk do të përgjigjet për krimet e luftës.

“Morina dhe të tjerët asnjëherë nuk do të përgjigjen”, theksoi ministri i Punëve të Jashtme të Serbisë, duke shtuar se “vendet perëndimore kërkojnë që Kosova të bëhet anëtare e Interpolit, ndërsa ata nuk e respektojnë këtë organizatë.

Shpërndaje në rrjete sociale

Lajmet më të lexuara

Të ngjashme

Foto lajm