Google ADS

Daçiç: Refuzojmë thirrjen e SHBA-ve që të zgjedhim mes Rusisë dhe Perëndimit

21:57 | 2 Nëntor 2017
Trina Galanxhi

Serbia dëshiron që të ruajë raportin balancues mes Rusisë dhe Perëndimit, duke hedhur poshtë kërkesat e SHBA-ve që të zgjedhin një anë.

Vendi ortodoks ka tërheqje natyrale me Moskën, por është e gatshme të bashkohet edhe me Bashkimin Europian, transmeton portali arbresh.info

Këtë muaj, zëvendës ndihmës sekretari i SHBA për çështjet evropiane dhe euroaziatike Hoyt Brian Yee i tha Beogradit se “nuk mund të ulet në dy karrige në të njëjtën kohë”.

Ministri i Jashtëm Ivica Daçiç, ka theksuar për Reuters se Beogradi do të mbajë ekuilibrin me Perëndimin, Rusinë dhe Kinën.

“Ajo që nuk duam ne është që dikush të na tregojë karriken dhe të na tregojë se çfarë është në interesin tonë më të mirë”, tha Daçiç.

Edhe pse BE është partneri dhe investitori më i madh tregtar i Serbisë, Rusia vazhdon të kontrollojë furnizimet e saj me naftë dhe gaz.

Moska gjithashtu ka kërkuar të forcojë lidhjet ushtarake me Beogradin me dhurimin e gjashtë avionëve luftarakë MiG-29./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm