Çulev: Në MPB ka parregullsi me resurset njerëzore

12:19 | 28 Janar 2020
A. B.

Ministri i Punëve të Brendshme Naqe Çulev, sot në konferencë për shtyp tha se në MPB ka parregullsi me resurset njerëzore.

Çulev tha se ka formuar komision të posaçëm, i cili do të merret me parregullsitë që ai i përmendi, përcjell Telegrafi Maqedoni.

Çulev deklaroi se komisioni ka shqyrtuar mbi 1800 vendime dhe ka konstatuar shumë shkelje, përfshirë edhe marrëveshjen kolektive dhe Ligjin për Punë të Brendshme.

“Me ardhjen time në MPB, punoj dhe angazhohem që ligjet të vlejnë për të gjithë njësoj. Dua të porosis se ka përfunduar koha e presioneve dhe dhënia e vendimeve në bazë joligjore”, tha Çulev.

Ai foli edhe për rastin “Dhoma publike”, ku theksoi se pas marrjes së informatave është njoftuar Prokuroria dhe janë grumbulluar të gjtha informacionet rreth profileve dhe llogarive. Çulev tha se bëhet fjalë për 800 fotografi dhe video materiale.

Shpërndaje në rrjete sociale

Lajmet më të lexuara

Të ngjashme

Foto lajm