Google ADS

Boki 13 mbetet në burgun e Shkupit, ndërsa Janeva në burg shtëpiak

11:46 | 18 Qershor 2020
A. B.

Bojan Jovanovski “Boki 13” do të mbetet në paraburgim në burgun e Shkupit, ndërsa Katica Janeva në arrest shtëpiak, pas shpalljes së aktgjykimit për rastin “Haraçi”, në të cilin ata janë të akuzuar.

Boki 13 u dënua me nëntë vjet burg, ndërsa Janeva me shtatë, ndërsa do të qëndrojnë në paraburgim, gjegjësisht në arrest shtëpiak deri në vendimin e plotfuqishëm, përcjell Telegrafi Maqedoni.

Prokurorja për Ndjekjen e Krimit të Organizuar dhe Korrupsionit Villma Ruskovska, kërkoi që edhe Katica Janeva të dërgohet në paraburgim, ndërsa avokatët e saj e kundërshtuan këtë kërkesë.

Janeva sot nuk ishte e pranishme në leximin e aktgjykimin, pasi kishte marrë leje me arsyetimin e problemeve shëndetësore.

Gjykimi për lëndën “Haraçi” filloi në nëntor të vitit të kaluar. Aktakuza ishte ngritur kundër tre personave. Në seancën e parë për këtë rast i akuzuari Zoran Milevski – Kiçeec e pranoi fajin dhe në seancën e ardhshme gjyqësore ishte dënuar me tri vite burg.

Shpërndaje në rrjete sociale

Lajmet më të lexuara

Të ngjashme

Foto lajm