Google ADS

Bekteshi: Pjesa më e madhe e të infektuarve janë nga festat në objektet hotelerike

22:26 | 2 Nëntor 2020
L G

Ministri i Ekonomisë, Kreshnik Bekteshi tha se Qeveria nesër do të diskutojë dhe do të merr vendim për kufizimin e punës së objekteve hotelerike deri në ora 21:00.

“Komisioni për Sëmundje Ngjitëse për çdo ditë i ndjek ngjarjet dhe ndjek gjendjen epidemiologjike në shtet dhe sipas analizave do të duhet të parashtrojnë edhe propozime të tjera. Momentalisht e rëndësishme është që të respektojmë masat, të mbajmë maska, të mbajmë higjienë dhe të mbajmë largësinë trupore në mënyrë që të ulet numri i të infektuarve”, tha Bekteshi, përcjell Telegrafi Maqedoni.

Ai theksoi se sipas të dhënave të epidemiologëve, pjesa më e madhe e të infektuarve vinë nga organizimi i festave në objekte hotelerike dhe festat në shtëpi.

“Kjo tani nuk do të lejohet. Tashmë miratuam ligj të ri me të cilin do të ndërmerren të gjitha masat që të respektohen protokollet e Komisionit për Sëmundje Ngjitëse”, tha mes tjerash Bekteshi.

Shpërndaje në rrjete sociale

Lajmet më të lexuara

Të ngjashme

Foto lajm