BDI konfirmon dorëzimin në Kuvend të emrave për plotësimin e vendeve të zbrazëta në Qeveri

21:50 | 24 Dhjetor 2017
Arbresh.info

Deputeti i BDI-së Artan Grubi, ka konfirmuar sot zyrtarisht se Qeveria ka dorëzuar në Kuvend propozimet për t’i plotësuar vendet e zbrazëta në Qeveria dhe në këtë mënyrë do të plotësohet kabineti qeveritar.

“Propozimet për plotësim të vendeve të zbrazëta në Qeveri, ministra dhe zëvendës ministra, tashmë janë dorëzuar në Kuvend dhe besoj që do të zgjidhen të hënën.” ka thënë Grubi duke bërë të ditur tejkalimin e ngërçit në koalicion.

Për Ministër të Shëndetësisë është propozuar Venko Filipçe, për Ministër pa resor – për zbatim të strategjisë për integrim të romëve, Aksel Ahmedovski, për zëvendës Ministër për Bujqësi, Blage Cvetkoviq si dhe zëvendës Ministër për Arsim, Arbër Ademi.

Ditë më parë, kreu i Aleancës për Shqiptarët, Ziadin Sela refuzoi ofertën për të drejtuar postin e Zëvendës Kryeministrit për Reforma në shtet me ç’rast duket se ka vet përjashtuar vetën nga shumica parlamentare.

Shpërndaje në rrjete sociale

Lajmet më të lexuara

Të ngjashme

Foto lajm