Google ADS

BDI kërkon vazhdimin e seancës konstituive të Kuvendit

16:25 | 15 Mars 2017
Arbresh.info

Kryetari i Bashkimit Demokratik për Integrim (BDI), Ali Ahmeti, të mërkurën ka kërkuar që partitë kryesore parlamentare menjëherë të nisin dialogun koordinues për vazhdimin e seancës konstitutive të Kuvendit për zgjedhjen e kryetarit të këtij institucioni, me ç’rast do të zhbllokohet institucioni i rëndësishëm.

Ai gjatë një takimi në selinë e partisë në Tetovë me ambasadorin e Norvegjisë Arne Sannes Bjornstad diskutoi rreth situatës në vend dhe përpjekjeve për të përfunduar seancën konstitutive të Kuvendit dhe zgjidhjes së qeverisë së re.

“BDI do të japë kontributin e vet konstruktiv në këtë drejtim dhe përkrah të gjitha përpjekjet në drejtim të zgjidhjes së krizës”, tha Ahmeti.

Ai ka theksuar se kriza politike dhe institucionale në asnjë mënyrë nuk duhet të kthehet në një krizë ndëretnike dhe partitë politike në vend duhet të japin kontributin e vet në këtë drejtim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm