Komisioni Evropian ka njoftuar se është sjellë vendim që kufizimet në eksportin e maskave mbrojtëse të mos vlejnë tashmë për vendet e Ballkanit Perëndimor nga 26 prilli.
Siç informon AIM, rregullorja për autorizime speciale për eksportimin e pajisjeve mbrojtëse në luftën kundër coronavirusit e miratuar në mars i përjashtoi në parim vetëm vendet jashtë BE-së që janë anëtare të zonës së tregtisë së lirë evropiane, përcjell telegrami Maqedoni.
Në kërkesë të autoriteteve prej gjashtë vendeve nga rajoni, Komisioni Evropian e rishqyrtoi vendimin ndalesat të mos vlej për Ballkanin Perëndimor.
Rregullorja aktuale skadon më 25 prill, nga dita e ardhshme Ballkani Perëndimor do të mund të importojë maska mbrojtëse pa leje paraprake, që duhet t’i përshpejtojë procedurat, por dërgon edhe sinjal politik për rajonin.
Rregullorja e re gjithashtu përmban ndryshime për llojin e pajisjeve që kërkojnë autorizim të veçantë. Nga 26 prilli, për vendet jashtë BE-së, EFTA-s dhe Ballkanit Perëndimor, vetëm maska mbrojtëse do të jenë lëndë e lejeve të veçanta të eksportit, ka vendosur Komisioni Evropian. Vendimi do të rishikohet tridhjetë ditë pas hyrjes së saj në fuqi.
Moti sot me diell dhe pjesërisht i vranët
Turki Alalshikh ka gjetur kundërshtarin e radhës për Daniel ...
Kriza në Lindjen e Mesme, Blinken: Izraeli ka të drejtë të m...
Rama në OKB: Kosova, realitet i pakthyeshëm ndërkombëtar
Kurti u takua me kryeministrin e Kroacisë, diskutuan për rap...
Ushtria izraelite urdhëron banorët në disa zona të Bejrutit ...