Google ADS

Avramopoulos: Mos lejoni që Ballkani të riballkanizohet

17:24 | 17 Tetor 2019
A. B.

Komisionari evropian për Emigracionin dhe Punët e Brendshme, Dimitris Avramopoulos ka paralajmëruar liderët e Bashkimit Evropian në lidhje me Ballkanin.

Ai u shpreh se ata duhet të jenë shumë të kujdesshëm me këtë rajon dhe të mos lejojnë që ai të “riballkanizohet”.

Avramopoulos përsëriti qëndrimin e Komisionit Evropian pro çeljes së negociatave me Shqipërinë dhe Maqedoninë e Veriut duke deklaruar: “Tani i takon Këshillit të marrë vendimin final. Qëndrimi i Komisionit Evropian është shumë i qartë, të dy vendet e meritojnë çeljen e negociatave të anëtarësimit. Ky është qëndrimi i Komisionit. Si një person që e njeh rajonin shumë mirë, dua të bëj edhe një koment politik. Dhe kjo është ajo që besoj unë. Duhet të jemi shumë të kujdesshëm me Ballkanin. Mos lejoni që Ballkani të riballkanizohet në mënyrën e vjetër se si janë zhvilluar ngjarjet atje”. /telegrafi

Shpërndaje në rrjete sociale

Lajmet më të lexuara

Të ngjashme

Foto lajm